يجعله عامر

فى بلدنا زى كل بلد كلام الناس ، والكلام المرة دى عن انتخاب الاستاذ وحيد مصطفى عامر(ابن الراحل مصطفى عامر اخو عبد الحكيم عامر غير الشقيق وعضو مجلس الشعب ) ، الحكاية بتقول ان السيد المرشح حصل على الضوء الاخضر فى مصر ، ونزل وترشحح لمجلس الشعب زى كام واحد طمعان وعشمان من بتوع الحزب الوطنى اللى موجودين عدنا فى دائرة سممالوط ، ومنهم ناس مهمه كانوا فى مجس الشعب قبل كده ومجلس الشورى عل ى ما اعتقد او حد من عيلته كان فى المجلس وعلى راسهم قريب اللواء حميده رحمه الله واللى توفى فى حادث والترشح على ملىء المقعد اللى فاضى .
المهم احمد عز ، ايوه احمد عز بتاع البتاع اللى بيغلى ويرخص حسب الجو والامين العام للحزب الوطنى الرجل قام بكل ديمقرطيه فى الحزب بإتباع الاجراءات الحزبية .ومنها عمل انتخابات للمجمع الانتخابى اللى فى الحزب وحلف للناس والله ياناس اللى حتنتخبوه هو اللى حنجيبه ، والكلام بطريقة الناس فى البلد، طيب لو تم انتخابات يا جماعه يا حزب ممكن احد المرشحين يعصلج يعنى لو ما طلعش اسمه ونفقد صورتنا امام الناس ويبقى فيه صراع انتخابى داخل ابناء الحزب الواحد
طيب ايه المطلوب يا بيه يا احمد عز قال لهم المطلوب كل واحد منكم يوقع على طلب بالتنازل عن الترشح على بياض لمحامى الحزب وبعد الانتخابات يتم بصورة تلقائية تنازل المرشحين الاخرين عن ترشحهم .
المهم (( كتفهم )) يعنى ربط رجليهم بالعربى بالتوقيع ده ، وتمت الانتخابات ، طيب والفرز المفروض الفرز يكون امام المرشحين وفى نفس اليوم لأ _ هنا (( الطعم )) بضم العين ، تمت الانتخابات فى المجمع الانتخابى فى المنيا واحمد عز شال الصناديق على مصر علشان يتم الفرز فى مصر (( وطبعا الصناديق فى ايد امينه )) والنتيجه جت بعد كدة ان وحيد بيه هو اللى نجح وهو بذلك يكون المرشح الوحيد للحزب الوطنى وبكده فاز وحيد عامر بكام وثلاثين الف صوت وطريقة التصويت تمت على اعين الناس ونجح وحيد عامر مبروك يا مصر مبروك يا سمالوط مبروك يا اسطال يجعله عامر
على بكساوى
مرفق تقرير