مع سيادة نائب امين الحزب الوطنى

فى زيارة الى احدى مدن الفيوم والتى يقيم فيها بعض اقاربى وجدتنى جالس مع احد اقربائى المحامين وهو من الذين قصدت الزيارة اليهم وجدتنى مع نائب امين الحزب بالمركز ( الحزب الوطنى طبعا ) المهم انه اول مره اجلس مع واحد فى المرتبة دى حزبيا واستدرجنى الرجل للحديث فى السياسة مع ان هذا الهدف كان اخر الاهداف التى تخص الزيارة العائلية واصبح الامر لا مفرمنه من توضيح راى هام يجب ان يعلمه هو وغيره طبعا ان الدنيا اتغيرت كثيرا عن ايام زمان والانتماء الى حزب بهذه الكهوله ملهش لازمة

غير ان التساؤلات المعهودة فى ذهنى كانت وراء مجموعة من الاسئلة منها هل تم انتخابه فى هذا المنصب هو واعضاء المكتب الاخرين قال لى لا ؟؟؟

وتعجبت من الاجابه ان امين الحزب فى المحافظة هو الى بيقوم باختيار الاعضاء

وسئلت سؤال اخر هل فيه حد معاكم فى الحزب ينتمى الى حزب اخر يعنى ناصرى او وفدى او اخوانى او تجمعى وحدوى قالى لا قلت له يعنى انتم كلكم مسلمين والحمدلله ومفيش حد من اللى بالى بالك معاكم طيب ليه ما يتمش انتخابات عندكم طالما مش حيطلع حد غريب قالى ماهو امين الحزب فى المركز بيساعد فى الاختيار مع امين المحافظة ؟؟

طيب ما تعملوا انتخابات يا عم ... واقسمت له ان مصر سوف يصلح حالها اذا الحزب الوطنى نفسه عمل انتخابات داخلية وانا واثق من ذلك وانا مستعد انضم للحزب الوطنى اذا عمل كده لان الحريه مفيش افضل منها فى اختيار الاصلح والديمقراطيه شىء تعارفت عليه البشرية ووجدت انه كويس وممكن يطلع عندكم ناس كويسين يمسكوا البلد وطبعا المفهوم من الكلام .......... الحقيقة انى وجدت على وجهه حرج من الوضع الحالى بعدم انتخاب المسئولين داخل الحزب المهم وجدته يعتقد ان الموضوع ده سيتم فى المستقبل والحزب حيعمل كده قريب قلت الحمد لله وانا بصراحه مستنى المستقبل وشباب المستقبل وشياب المستقبل وانا راضى بالمكتوب

كان لسؤالى الاخير رد سريع منه لوقفه وهو هل اذا عمل جمال مبارك حزب جديد ستنضم ليه ام لا فقاطعنى قبل ان اكمل السؤال بققوله لا دى اشاعه عاملها الاخوان المسلمين نكايه فى جمال مبارك والحزب ومفيش حاجة اسمها الحزب الجديد بتاع جمال ولكنى قررت ان اعيد السؤال تانى المهم اجاب عليا فى المرة الرابعة او الخامسة بعد ما افترضت الموضوع فرض جدلى بحت يعنى اذا حصل فى المستقبل البعيد هل ستنضم للحزب الجديد قالى وبجد لا يقبل الهزل طبعا هنلم بعضينا كلنا وننقل على الحزب الجديد